Tue. Sep 28th, 2021
કોરોના મહામારી સામે લડવા કેન્દ્રીય મંત્રી શ્રી પરષોત્તમ રૂપાલાએ મેડિકલ સંસાધનો ફાળવ્યા૭.૫૦ લાખનું એક એવા રૂ. ૩૭.૫૦ લાખના પાંચ અધ્યતન વેન્ટીલેટર દર્દીઓ માટે આશીર્વાદરૂપ

Share with:


વધારે માહિતી માટે અહીંયા આપેલા વિડિઓ પર ક્લિક કરી પુરો વિડિઓ જુઓ

કોરોના મહામારી સામે લડવા કેન્દ્રીય મંત્રી શ્રી પરષોત્તમ રૂપાલાએ મેડિકલ સંસાધનો ફાળવ્યા

કોરોના મહામારી સામે લડવા કેન્દ્રીય મંત્રી શ્રી પરષોત્તમ રૂપાલાએ મેડિકલ સંસાધનો ફાળવ્યા૭.૫૦ લાખનું એક એવા રૂ. ૩૭.૫૦ લાખના પાંચ અધ્યતન વેન્ટીલેટર દર્દીઓ માટે આશીર્વાદરૂપ

૭.૫૦ લાખનું એક એવા રૂ. ૩૭.૫૦ લાખના પાંચ અધ્યતન વેન્ટીલેટર દર્દીઓ માટે આશીર્વાદરૂપ

૧ કરોડમાંથી ૬૨ લાખના ખર્ચે અમરેલી સિવિલ અને રાજુલા સબ ડીવીઝનલ હોસ્પીટલમાં ઓક્સિજન પ્લાન્ટ સ્થાપવાની કામગીરી પુરજોશમાં

અમરેલી, તા: ૪ જુન

કોરોનાના સંક્રમણને અટકાવવા અમરેલી જિલ્લામાં વિવિધ સંસાધનો વિકસાવવાની તાતી જરૂરિયાતને પહોંચી વળવા ભારત સરકારના કૃષિ અને ખેડૂત કલ્યાણ વિભાગના કેન્દ્રીય મંત્રી શ્રી પરષોત્તમ રૂપાલાએ તેમની ગ્રાંટમાંથી તાજેતરમાં રૂ. ૧ કરોડ ફાળવ્યા હતા. જેમાંથી રૂ. ૭.૫૦ લાખનું એક એવા રૂ. ૩૭.૫૦ લાખના પાંચ અધ્યતન વેન્ટીલેટર અમરેલી સીવીલ એટલે કે શાંતાબા ગજેરા હોસ્પિટલને આપવામાં આવતા દર્દીઓ માટે આશીર્વાદરૂપ સાબિત થયા છે. આ ઉપરાંત અમરેલી સિવિલ હોસ્પીટલ ખાતે તેમજ રાજુલા સબ ડીવીઝનલ હોસ્પીટલમાં ૬૨ લાખના ખર્ચે ઓક્સિજન પ્લાન્ટ સ્થાપવાની કામગીરી હાલ પુરજોશમાં શરુ છે.

આ અંગે વાત કરતા અમરેલી સિવિલ હોસ્પિટલના સિવિલ સર્જન ડો. વાળા જણાવે છે કે તાજેતરમાં કોરોનની બીજી લહેર ખુબ જ ઘાતક સાબિત થઇ હતી. જેને ધ્યાનમાં રાખીને અમરેલી જિલ્લામાં વિવિધ સંસાધનો વિકસાવવાની તાતી જરૂરિયાત હતી. જેના અનુસંધાને કેન્દ્રીય મંત્રી શ્રી પરષોત્તમ રૂપાલા ૧ કરોડની ગ્રાન્ટ તાત્કાલીક અસરથી ફાળવી હતી આ ગ્રાંટમાંથી ખરીદવામાં આવેલા વેન્ટિલેટર અત્યાધુનિક છે. આ વેન્ટિલેટરમાંથી દર્દીને જરૂર પૂરતો જ ઓક્સિજન મળે છે અને અન્ય વેન્ટિલેટરની જેમ આમા ઓક્સિજનનો બગાડ થતો નથી. આ વેન્ટિલેટરો અમરેલી સિવિલમાં દાખલ થયેલા કોરોના પોઝિટિવ દર્દીઓ માટે ખરા અર્થમાં આશીર્વાદરૂપ સાબિત થયા છે. આ ઉપરાંત વેન્ટિલેટર લો પ્રેશરની પરિસ્થિતિમાં પણ સારી રીતે કામગીરી કરે છે તેમજ હાઈ ફ્લો, ઈન્વેજીવ અને બાયપેપ જેવી સુવિધાઓ પણ હોવાથી દર્દીઓ માટે અત્યંત કારગર નીવડે છે.

અમરેલી જિલ્લામાં હાલ આકાર પામી રહેલા ઓક્સિજન પ્લાન્ટ વિષે વાત કરતા ડો વાળાએ જણાવ્યું હતું કે કેન્દ્રીય મંત્રી શ્રી પરષોત્તમ રૂપાલા દ્વારા ફાળવવામાં આવેલી ૧ કરોડની ગ્રાન્ટમાંથી આગામી દિવસોમાં ઓક્સિજન પ્લાન્ટ કાર્યરત થઇ જતા દરરોજના ૫૦ થી ૬૦ જેટલા જમ્બો સિલિન્ડર ભરી શકાય તેટલો જથ્થો પેદા થશે. જેથી હાલ અમરેલી જિલ્લામાં ઓક્સિજનની અછતની સમસ્યાને સંપૂર્ણપણે નિવારી શકાશે. જેથી અમરેલી જિલ્લાના નાગરિકોને શ્રેષ્ઠ આરોગ્યલક્ષી સુવિધાઓ મળી રહેશે.

રીપોર્ટ… ભરતભાઈ ખુમાણ

Share with:


By admin

Leave a Reply

Your email address will not be published. Required fields are marked *